ڈالر کی اونچی اڑان کے بعد پیٹرول کی قیمت میں کتنے روپے اضافے کا امکان ؟اینکر پرسن کامران خان نے بتا دیا

اسلام آباد(مسائل نیوز)اینکر پرسن کامران خان بھی روپے کی تاریخی بدقدری اور ڈالر کی اونچی اڑان پر بول پڑے ، اینکر پرسن نے پیٹرول کی قیمت میں ہوشربا اضافے کا امکان ظاہر کردیا۔

سماجی رابطے کی ویب سائٹ ٹوئٹر پر اپنے ٹوئٹ میں کامران خان نے کہاکہ ڈالر سرکاری قیمت اس وقت 284 روپے اوراوپن مارکیٹ 325 روپے ہے، اب عوام کو پتا چلے گا کہ تاریخی مہنگائی کس کو کہتے ہیں ۔

کامران خان کاکہناہے کہ یکمشت پیٹرول کی قیمت میں کم از کم 30 روپے لیٹر اضافہ ہوگا ، اینکر پرسن نے کہاکہ شاید کہیں کوئی بیٹھ کر پلان کر رہا ہے کہ مارکیٹس کاروبار ایکسچینج مارکیٹ میں زبردست افراتفری مچ جائے اوربھول جائیں عوام الیکشن سلیکشن۔