برفباری کے علاقوں میں ہنگامی صورتحال سے موثر طور پر نمٹا جائے گا،وزیراعلیٰ بلوچستان

کوئٹہ (ویب ڈیسک)وزیراعلیٰ بلوچستان میر عبدالقدوس بزنجو نے کہا ہے کہ امید ہے کہ برف باری کے علاقوں میں کسی بھی قسم کی ہنگامی صورتحال سے موثر طور پر نمٹا جائے گا۔میر عبدالقدوس بزنجو نے صوبے کے بارش اور برف باری کے علاقوں میں امدادی سرگرمیوں پر اظہار اطمینان کرتے ہوئے

کہا کہ پی ڈی ایم اے متعلقہ اضلاع کی انتظامیہ اور این ایچ اے کا متحرک و فعال رہتے ہوئے کام کرنا قابل تعریف ہے۔انہوں نے کہا کہ متعلقہ ادارے عوام کی بھرپور مدد اور معاونت جاری رکھیں۔عبدالقدوس بزنجو نے کہا کہ پی ڈی ایم اے متاثرہ اضلاع میں خوراک ایندھن اور دیگر امدادی اشیاءکی وافر مقدار دستیاب رکھے۔

وزیراعلیٰ بلوچستان نے ہدایت دی ہے کہ قومی شاہراہوں پر برف کی صفائی اور ٹریفک کی بلا رکاو¿ٹ آمد ورفت یقینی بنائی جائے۔وزیراعلیٰ عبدالقدوس بزنجو نے مزید کہا کہ زیارت اور دیگر علاقوں میں آنے والے سیاحوں کی دیکھ بھال بھی کی جائے۔