عدالتی حکم پر عملدرآمد نہ ہوا تو کیا وزیراعظم فارغ ہو سکتا ہے؟ فواد چوہدری نے بتا دیا

لاہور (مسائل نیوز) تحریک انصاف کے سینئر نائب صدر فواد چوہدری نے کہا ہے کہ عدالتی حکم پر عمل درآمد نہ کیا گیا تو سپریم کورٹ پیر کے روز وزیراعظم کو فارغ کر سکتی ہے۔

نجی ٹی وی دنیا نیوز کے مطابق ایک انٹرویو میں سابق وفاقی وزیر کا کہنا تھا کہ الیکشن کے حوالے سے تو سپریم کورٹ پہلے ہی فیصلہ دے چکی، اب 3 رکنی بینچ تو صرف اس فیصلے پر عمل درآمد کروانے کیلئے ہدایات دے گا۔

یاد رہے کہ سپریم کورٹ نے پنجاب اور خیبرپختونخوا میں انتخابات میں تاخیر سے متعلق ازخود نوٹس کا حکم سناتے ہوئے 90 روز میں الیکشن کرانے کی واضح ہدایات جاری کی تھیں۔