میر عبدالقدوس بزنجو سے جے یو آئی ف کے مولانا عطا الرحمان کی ملاقات سیاسی صورتحال سمیت باہمی دلچسپی کے مختلف امور پر تبادلہ خیال

کوئٹہ(مسائل نیوز)وزیراعلی بلوچستان میر عبدالقدوس بزنجو سے جے یو آئی ( ف ) کے مرکزی رہنما سینٹرمولانا عطا الرحمان نے ملاقات کی دونوں رہنماؤں کے مابین سیاسی صورتحال سمیت باہمی دلچسپی کے مختلف امور پر تبادلہ خیال کیا گیاوزیراعلی کی جانب سے رکن قومی اسمبلی کو صوبے کے مالی انتظامی ترقیاتی اور سیاسی امور پربریفنگ دی گئی مولانا عطاالرحمن نے صوبے کی ترقی اور امن کے قیام کے لیۓ صوبائی حکومت کی کارکردگی کی تعریف کرتے ہوۓ متوازن اور عوامی بجٹ پیش کرنے پر وزیراعلئ کو مبارکباد پیش کی مولانا عطاالرحمن جو کہ سینٹ کی کمیٹی براۓ منصوبہ بندی و ترقیات کے چئیرمین بھی ہیں نے یقین دلایا کہ وہ وفاقی سطح پر بلوچستان کے ترقیاتی امور کے حوالے سے اپنا بھرپور کردار ادا کرینگے صوبائی وزراء سردار عبدالرحمان کھیتران میر نصیب اللہ مری اور رکن صوبائی اسمبلی اصغر خان ترین بھی اس موقع پر موجود تھے بعدازاں مولانا کے اعزاز میں وزیراعلی کی جانب سے عشائیہ دیا گیا۔