ملک میں سیاست ہے ہی نہیں تو دوبارہ کیسے متحرک ہوسکتا ہوں، نواب ذوالفقار مگسی

کوئٹہ (مسائل نیوز) سابق گورنر و وزیراعلیٰ بلوچستان نواب ذوالفقار علی مگسی نے کہا ہے کہ ملک میں اس وقت سیاست نہیں ہورہی اس وقت جو کچھ ہورہا ہے وہ ہمارے بس کی بات نہیں ہے، جب سیاست نہیں ہے تو میں کیسے متحرک ہوسکتا ہوں۔ نواب ذوالفقار علی مگسی نے کہا کہ میرے سیاست میں متحرک ہونے کی خبریں لوگ از خود چلا رہے ہیں اس وقت ملک میں سیاست نہیں ہورہی اور جو کچھ ہورہا ہے وہ ہمارے بس کی بات نہیں ہے۔انہوں نے کہا کہ جب ملک میں سیاست ہے ہی نہیں تو میں دوبارہ عملی سیاست میں متحرک کیسے ہوسکتا ہوں۔ایک سوال کے جواب میں انہوں نے کہا کہ جب گھر مہمان آتے ہیں تو ان کے ساتھ کھانا کھاتے اور گپ شپ ہوتی رہتی ہے۔