عمران خان کی گرفتاری کیلئے ڈی آئی جی آپریشنز اسلام آباد کی زمان پارک جانے کیلئے مشاورت

لاہور(مسائل نیوز) چیئرمین تحریک انصاف عمران خان کی گرفتاری کیلئے ڈی آئی جی آپریشنز اسلام آباد لاہور میں موجود ہیں جہاں وہ زمان پارک جانے کیلئے مشاورت کر رہے ہیں۔

نجی ٹی وی ڈان نیوز کے مطابق ڈی آئی جی آپریشنز اسلام آباد شہزاد بخاری لاہور پہنچ گئے ہیں، وہ اسلام آباد اور لاہور پولیس کے ہمراہ عمران خان کی رہائش گاہ زمان پارک جائیں گے۔ وہ چیئرمین تحریک انصاف عمران خان کی گرفتاری کیلئے تاحال مشاورت میں مصروف ہیں۔

پنجاب پولیس نے وفاقی پولیس کو عمران خان کی گرفتاری کیلئے تمام تر ضروری تعاون فراہم کرنے کی یقین دہانی کروا دی ہے، قبل ازیں توشہ خانہ کیس میں عمران خان کی گرفتاری کے ناقابل ضمانت وارنٹ لے کر ایس پی سٹی اسلام آباد لاہور آئے تھے تاہم لاہور پولیس کی جانب سے آپریشن کی مکمل تیاری کے باوجود گرفتاری کا اقدام کارکنان کے بڑے ہجوم کے اکٹھے ہونے کے سبب روک دیا گیا تھا۔