Get real time updates directly on you device, subscribe now.
سرگودھا(مسائل نیوز) موٹروے پر لاہور سے اسلام آباد جانے والی مسافر بس کے خوفناک حادثے میں3 افراد جاں بحق اور بیس سے زائد مسافر زخمی ہوگئے۔تفصیل کے مطابق سرگودھا میں تحصیل بھیرہ کے قریب موٹروے پر لاہور سے اسلام آباد جا رہی مسافر بس خوفناک حادثے کا شکار ہو گئی، جس کے نتیجے میں تین افراد جاں بحق اور 20 سے زائد زخمی ہوگئے۔ریسکیو ذرائع نے بتایا کہ بس بے قابو ہو کر درخت سے جا ٹکرائی، حادثے میں بس کے ڈرائیور، ہوسٹس اور ایک خاتون موقع پر ہلاک ہو گئے جبکہ زخمیوں میں دو خواتین سمیت 20 سے زائد مسافر شامل ہیں۔پولیس ذرائع کا کہنا ہے کہ حادثہ مبینہ طور پر ڈرائیور کے دورانِ سفر سو جانے کے باعث پیش آیا۔تاہم جاں بحق اور زخمی افراد کو فوری طور پر ٹی ایچ کیو اسپتال بھیرہ منتقل کر دیا گیا جہاں زخمیوں کو طبی امداد فراہم کی جا رہی ہے۔پولیس نے حادثے کی تحقیقات شروع کر دی ہیں تاکہ وجوہات کا تعین کیا جا سکے۔
