ایشیا کپ فائنل، ٹیم کی شکست پر زخمی شاہین آفریدی ٹیم کی حمایت میں سامنے آگئے

لاہور (مسائل نیوز) قومی کرکٹ ٹیم کے فاسٹ بولر شاہین شاہ آفریدی نے ایشیا کپ میں پاکستان کی ہار کے بعد ٹوئٹر پر پیغام جاری کیا ہے۔ شاہین آفریدی نے اپنی ٹوئٹ میں ٹیم سے مخاطب ہوتے ہوئے کہا ‘اپنا سر اونچا رکھو چیمپئنز، آپ نے اپنا بہترین دیا’۔ فاسٹ بولر نے لکھا ‘ہم اس سے سیکھیں گے اور اس بات کو یقینی بنائیں گے کہ آئندہ اچھی کارکردگی کا مظاہرہ کریں جیسے ہم ہمیشہ کرتے ہیں’۔
شاہین آفریدی نے اپنی ٹوئٹ میں سری لنکا کو بھی فتح کی مبارکباد دی اور کہا خہ آپ نے محنت کر کے جیت اپنے نام کی۔
خیال رہے کہ ایشیا کپ کے فائنل میں سری لنکا پاکستان کو شکست دے کر چھٹی بار ایشین چیمپئن بن گیا۔ سری لنکا کے 171 رنز کے ہدف کے تعاقب میں پاکستانی بیٹرز مقررہ 20 اوورز میں147رنز بناسکے۔