حکمرانوں کو عوام کی پریشانی مشکلات مہنگائی غربت نظرنہیں آتی ،مولانا ہاشمی

کوئٹہ (ویب ڈیسک)امیرجماعت اسلامی بلوچستان مولانا عبدالحق ہاشمی نے کہا کہ حکمرانوں کو عوام کی پریشانی مشکلات مہنگائی غربت نظرنہیں آتی جبکہ چند وزراءکو نوازنے کیلئے ان کی ناقص کاکردگی کو کارگردگی میں بدلنا نظرآتی ہے ۔بلوچستان کے عوام کو حقوق دینے ،مسائل سے نجات کیلئے حق دو دھرنے دیے جائیں گے ۔ انگریز سامراج تو چلاگیا مگر کالا قانون اور کرپٹ لوگ ہم پر مسلط کرگیا۔مہنگائی سے لیکر معیشت کی بدحالی و بیرونی جارحیت دین سے دوری سودی معیشت اور نااہل قیادت کا نتیجہ ہے۔ہمارے تمام مسائل کا حل اسلامی نظام و دیندار قیادت ہے۔

جماعت اسلامی عوامی حقوق کے حصول کیلئے احتجاج دھرنے کر رہی ہے ۔حکمران طبقے میں سابقہ وموجودہ مافیازشامل ہیں جس کی وجہ سے مسائل میں کمی کے بجائے روزبروزاضافہ ہورہاہے ۔حل صرف جماعت اسلامی ہے ۔انہوں نے کہاکہ جماعت اسلامی اقامت دین کی تحریک اور باطل کے مقابلے میں ڈٹ کر کھڑے رہنے کا نام ہے جو چہروں کی بجائے نظام کو بدلنے کی جدوجہد کر رہی ہے۔

دنیا دھوکے کے سامان کے سوا کچھ بھی نہیں ہے اصل کامیابی آخرت کی فلاح و کامیابی ہے۔ موجودہ حکومت نے اپنے وعدوں اور دعووں کو پورا کرنے کی بجائے عوام کو مہنگائی کی سونامی میں غرق، ملک اور اسٹیٹ بینک کو عالمی مالیاتی ادارے آئی ایم ایف کے پاس گروی رکھ دیا ہے ،اپوزیشن کی بڑی جماعتوں نے نااہل اور نالائق حکمرانوں کو چار سال تک سہولتکاری کی اور پارلیمنٹ میں ہر بل کو پاس کروانے میں مدد فراہم کی، اب یہ لوگ عوام کی آنکھوں میں دھول جھونکنے کیلئے ایک بار پر مہنگائی مارچ اور عدم اعتماد کا لولی پوپ دے رہے ہیں،