15 نومبر تک ملک میں کچھ بھی ہوسکتا ہے، تہلکہ خیز پیش گوئی

اسلام آباد (مسائل نیوز)پاکستان پیپلز پارٹی کے رہنما منظور وسان نے پیش گوئی کی ہے کہ 15 نومبر تک ملک میں کچھ بھی ہو سکتا ہے۔

تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما منظور وسان نے اپنے بیان میں کہا ہے 29 نومبرتک مجھے عمران خان اور سیاستدانوں کیلئے دن اچھے نظر نہیں آرہے ہیں، 15نومبرتک ملک میں کچھ بھی ہوسکتا ہے۔

نجی ٹی وی اے آروائی کے مطابق پیپلزپارٹی کے سینئر رہنما نے کہا کہ عمران خان کا ایجنڈا کچھ اور ہی ہے ، وہ نہ الیکشن چاہتے نہ ہی لانگ مارچ اسلام آباد لے جانا چاہتے ہیں۔

ان کا مزید کہنا تھا کہ عمران خان چاہتے ہیں کہ حالات خراب ہوں اور ملک میں مارشل لالگے،عمران خان کو خوف ہے

موجودہ حکومت کہیں ان کے کرپشن کےکیسز نہ کھول دے۔منظوروسان نے کہا کہ آگے چل کر کے بہت سےساتھی

عمران خان کا ساتھ چھوڑ جائیں گے،جو لوگ عمران خان کولائے وہی عام انتخابات قریب آتے ہی چھوڑجائیں گے۔