انگلینڈ کیخلاف ٹی ٹونٹی سیریز میں ابرار احمد کو موقع نہ دیئے جانے پر محمد حفیظ مایوس

لاہور(مسائل نیوز) پاکستان کے سابق کپتان محمد حفیظ مین ان دی گرین کی ٹیم انتظامیہ کی جانب سے انگلینڈ کے خلاف جاری ٹی ٹونٹی سیریز میں مسٹری سپنر ابرار احمد کو موقع فراہم نہ کرنے پر مایوس ہیں۔ 23 سالہ کھلاڑی 18 رکنی سکواڈ کا حصہ ہے اور ’پروفیسر‘ کے خیال میں اسے کم از کم چار میچز ضرور دیے گئے ہوں گے۔ انہوں نے نوجوان کو محنت جاری رکھنے کا مشورہ دیا۔
انہوں نے ٹویٹ کیا کہ ’ابرار احمد (مسٹری سپنر) کو اس سیریز میں اب تک کوئی میچ نہ ملنے پر افسوس ہے۔ انہوں نے مزید کہا کہ ’انہیں اس سیریز میں اپنی باؤلنگ کی صلاحیتوں کا مظاہرہ کرنے کے لیے چار میچز دینے چاہیے تھے لیکن… نوجوان سپنر محنت کرتے رہیں‘‘۔
واضح رہے کہ ابرار احمد نے اب تک اپنے کیریئر میں 17 ٹی ٹونٹی کھیلے ہیں جس میں 7.63 کی اکانومی سے 19 وکٹیں حاصل کی ہیں۔