(ن) لیگ نے پنجاب اسمبلی بچانے کیلئے سر جوڑ لیے، جہانگیر ترین کا وزیراعظم شہباز شریف کو خصوصی پیغام

اسلام آباد(مسائل نیوز) پنجاب کی موجودہ سیاسی صورتحال پر (ن) لیگی قیادت نے بھی سر جوڑ لیے۔نجی ٹی وی جیو نیو ز کے مطابق وزیراعظم شہباز شریف کی زیر صدارت اہم اجلاس جاری ہے جس میں ملکی سیاسی صورتحال پر تبادلہ خیال کیا جارہا ہے جب کہ پنجاب اسمبلی کو توڑنے سے بچانے کے لیے تمام آپشنز پر غورکیا جارہا ہے۔وزیراعظم شہبازشریف سے مشیر سیاحت وکھیل عون چوہدری نے بھی ملاقات کی جس میں انہوں نے وزیراعظم کو جہانگیر ترین کا خصوصی پیغام پہنچایا۔واضح رہے کہ چیئرمین پی ٹی آئی عمران خان نے آئندہ جمعہ کو پنجاب اور خیبرپختونخوا اسمبلی توڑنے کا اعلان کررکھا ہے۔