Get real time updates directly on you device, subscribe now.
کراچی( مسائل نیوز)FAKT ایگزیبیشنز (پرائیویٹ)لمیٹڈ کے زیر اہتمام الیکٹریسیٹی پاکستان،انٹرنیشنل الیکٹرسٹی پاکستان نمائش کے چوتھے ایڈیشن کا انعقاد ۔زونرجی سولر ڈیویلپمنٹ پاکستان، پاکستان کے سرکردہ سولر سلوشن فراہم کنندہ نے بھی سولر پاکستان کے 11ویں ایڈیشن میں شرکت کی ۔نمائش کا افتتاح کرتے ہو ئے گورنر سندھ کامران خان ٹیسوری نے کہا کہ فاکٹ ایگزیبیشنز (پرائیویٹ)لمیٹڈ نے سولر پاکستان نمائش کا انعقاد کرکے شاندار اقدام اٹھایا جو قابل تجدید توانائی کی صنعت کو اپنی جدید ترین ٹیکنالوجی، آلات کی نمائش کا موقع فراہم کرے گا۔ سولر پاکستان جیسی نمائشوں نے ہماری صنعتوں کو مضبوط بنانے، کاروبار اور روزگار کے مواقع فراہم کرنے سمیت پاکستانی معیشت کو اٹھانے میں اہم کردار ادا کیا ہے۔ اس موقع پر جنرل منیجر پاکستان مسٹر وکٹر نے صنعت پر مبنی نمائش کے انعقاد پر ای کامرس کو سراہا انہوں نے مزید کہا کہ نمائش نے صارف اور صنعت کے درمیان خلیج کو ختم کرنے میں اہم کردار ادا کیا۔ ملک جس تیزی سے درآمدی بحران سے گزر رہا ہے اس میں یہ ایک اچھا شگون ہے ۔ زونرجی ملک میں توانائی کے بحران کو ختم کرنے کیلئے قابل عمل حل پیش کرنے کیلئے پرعزم ہے ، بہترین مسابقتی شمسی حل پیش کرنے کیلئے کلائنٹ کے فیڈ بیک کا خیرمقدم کرتی ہے۔ ہم بجلی کی لاگت کو کم کرنے اور توانائی کے بڑھتے ہوئے بحران کو ختم کرنے کے لیے قائداعظم سولر پاور پلانٹ کی مکمل 900 میگاواٹ صلاحیت تک توسیع میں حکومت پاکستان کی مدد کرنا چاہتے ہیں۔نمائش میں100 سے زائد کمپنیوں نے شرکت کی،نمائش آج بھی جاری رہے گی ۔ توقع ہے کہ 500,000 سے زائد تجارتی افراد کو اپنی طرف متوجہ کر ے گی ۔نمائش میں سیکرٹری توانائی سندھ ابوبکر احمد، چیئرمین نیپرا توصیف ایچ فاروقی ،سی ای اوFAKTسلیم خان تنولی اور دیگر معروف صنعتکا رو ں نے بھی شرکت کی ۔
