نان اور روٹی کی قیمت میں مزید اضافے کا اعلان

لاہور (مسائل نیوز)لاہور میں کل بروز اتوار سے نان اور روٹی کی قیمت میں اضافے کا اعلان کردیا گیا۔متحدہ نان روٹی ایسوسی ایشن کے سینئر نائب صدر وحید عباسی نے کہا کہ روٹی 16روپے اور نان 30روپے میں فروخت کیا جائے گا۔وحید عباسی نے کہا کہ فائن آٹے کا 80کلو کا تھیلا 12 ہزار روپے میں مل رہا ہے۔آٹا مہنگا خرید کر سستی روٹی فروخت نہیں کرسکتے۔انہوں نے کہا کہ سرکاری ریٹ پر آٹا فراہم کیا جائے تو روٹی کی قیمت کم ہوسکتی ہے۔