عالیہ اور رنبیر نے بیٹی سے ملنے کیلئے 2 سخت شرائط رکھ دیں

ممبئی (مسائل نیوز)بالی ووڈ کی معروف اداکار جوڑی رنبیر کپور اور عالیہ بھٹ نے اپنی بیٹی سے ملنے کے خواہش مند تمام لوگوں کے لیے دو سخت شرائط رکھ دیں۔عالیہ بھٹ اور رنبیر کپور کے ہاں 6 نومبر کو بیٹی کی پیدائش ہوئی ہے۔

بھارتی میڈیا کے مطابق اس مشہور جوڑی نے اپنی بیٹی سے ملنے کے خواہش مند قریبی عزیز، اقارب اور دوستوں کے لیے 2 سخت شرائط رکھی ہیں۔پہلی شرط یہ ہے کہ رنبیر اور عالیہ کی بیٹی کی کوئی بھی تصاویر نہیں بنا سکتا۔رپورٹس کے مطابق کپور اور بھٹ خاندان کے تمام افراد بچی کو میڈیا سے دور رکھنا چاہتے ہیں۔ دونوں خاندانوں کی جانب سے نجی زندگی کے احترام کرنے کی بار بار درخواستوں کے باوجود بھی کچھ پاپا رازی فوٹو گرافرز نے اسپتال سے گھر واپسی پر عالیہ اور رنبیر کی گاڑی کا پیچھا کیا۔دوسری شرط یہ ہے کہ رنبیر اور عالیہ کی بیٹی سے کوئی بھی کورونا ٹیسٹ کروائے بغیر بھی نہیں مل سکتا۔نوزائیدہ بچے انفیکشن کا جلد شکار ہوسکتے ہیں اس لیے یہ جوڑی بیٹی کی صحت کے حوالے سے انتہائی محتاط ہے۔ عالیہ اور رنبیر نے میڈیا اور دوستوں سے درخواست کی ہے کہ جب تک ان کی بیٹی ایک سال کی نہیں ہو جاتی تب تک ان شرائط کی پابندی کریں۔