ہمیشہ خیر سگالی کے جذبے سے سرشار ہوکر مشکل کی گھڑی میں پاکستانی عوام کی خدمت کی ہے ،قاسم خان سوری

کوئٹہ(مسائل نیوز)ڈپٹی اسپیکر قومی اسمبلی قاسم خان سوری نے کہا ہے کہ ہم چائنا سفارتخانے کا شکریہ ادا کرتے ہیں ہمیشہ خیرسگالی کے جذبے سے سرشار ہوکر ہر مشکل کی گھڑی میں پاکستانی عوام بلخصوص بلوچستان کے عوام کی خدمت کی ہے اسی تسلسل میں آج ہم یہ راشن تقسیم کر رہے ہیں میری سیا ست کا محور اور مقصد اقتدار نہیں بلکہ عوام کی خدمت ہے تاکہ انکو بنیادی حقوق انکے دہلز پر مل سکے۔  انہوں نے کہا کہ  پاک چین دوستی دنیا کے لئے مثال ہے  چائنیز ایمبسی کی مدد ہمارے لئے فخر کی بات ہے۔ ان خیالات کا اظہار ڈپٹی اسپیکر قومی اسمبلی قاسم خان سوری نے

پی ٹی آئی کے سینئر رہنماء سردار خادم وردگ کے ہمراہ طوغی روڈ پر مستحقین اور غرباء میں چائنا سفارتخانے کے تعاون سے  دیئے گئے راشن تقسیم کرنے کے موقع پر کیا۔اس موقع پر انہوں نے پاکستان کی کرکٹ ٹیم کی بھی تعریف کی اور کہا کہ ہمارے شاہین ہمیشہ اچھی کارکردگی کا مظاہرہ کرتے ہیں اور پوری قوم کو ان کی جیت پر فخر ہے۔ اور کہا کہ آج بھی انشااللہ پاکستان کرکٹ ٹیم کامیابی کے جھنڈے گاڑے گی