پی ٹی آئی رہنما زرتاج گل کی آنسو گیس سے حالت خراب ہوگئی

اسلام آباد (مسائل نیوز)پی ٹی آئی کارکنوں کے پتھراؤ سے پولیس اہلکار زخمی،پولیس نے زمان پارک کے باہر پی ٹی آئی کے کیمپ اکھاڑ دئیے۔

پی ٹی آئی رہنما زرتاج گل کی آنسو گیس سے حالت خراب ہوگئی ۔ پولیس نےمتعددپی ٹی آئی کارکنوں کو گرفتارکرلیا۔نجی ٹی وی ٹوئنٹی فور نیوز کے مطابق اس سے پہلے ،تحریک انصاف کے کارکنوں نے پولیس کو عمران خان تک رسائی دینے سے انکار کیا،کارکنوں نے درختوں کی شاخوں سے ڈنڈے بنائے، بینرز اور ٹائر جلا کر سڑک بند کرنے کی کوشش کی۔تحریک انصاف کے کارکنوں کے پتھراؤ سے کئی پولیس اہلکار زخمی ہوگئے۔ میڈیا کے نمائندے بھی زخمی ہوگئے۔ پی ٹی آ ئی کارکنوں کو منتشر کرنے کیلئے واٹرکینن کا استعمال بھی کیا گیا۔ پی ٹی آئی خواتین کارکنوں نے ڈنڈے لے کرڈھال بنے کی کوشش کی۔