بینکوں سے ڈالر نہ ملنے پر پٹرولیم مصنوعات کی قلت کا خدشہ پیدا ہو گیا

کراچی(مسائل نیوز)بینکوں کی جانب سے ایل سی کھلوانے کا مسئلہ شدت اختیار کر گیا، آئل کمپنیز ایڈوائزری کونسل کے مطابق بینکوں سے ڈالر نہ ملے تو ملک میں ایندھن کی قلت پیدا ہو سکتی ہے۔تیل کمپنیوں کی ایڈوائزری کونسل نے وزارت خزانہ کو خط لکھ کر خبردار کیا کہ ایل سی وقت پر نہ کھلی تو پٹرولیم مصنوعات کی درآمد شدید متاثر ہو گی جس سے ملک میں ایندھن کی قلت پیدا ہو سکتی ہے۔آئل کمپنیز ایڈوائزری کونسل کے مطابق اگر ایندھن کی قلت پیدا ہو گئی تو سپلائی معمول پر لانے میں 8 ہفتے لگ جائیں گے۔