پنجاب میں ہائی رائز بلڈنگز میں آتشزدگی سے جانی و مالی نقصان سے بچائو کیلئے کریک ڈائون کا فیصلہ

لاہور(مسائل نیوز) پنجاب میں ہائی رائز بلڈنگز میں آتشزدگی سے جانی و مالی نقصان سے بچائو کے لئے کریک ڈائون کا فیصلہ کر لیا گیا، ڈی جی ریسکیو نے کہا ہے کہ عمارتوں کی انتظامیہ کو دو نوٹسز دینے کے بعد تیسرے نوٹس پر سیل کردیا جائے گا۔
تفصیلات کے مطابق لاہور میں ریسکیو ڈبل ون ڈبل ٹو کمیونٹی سیفٹی ایکٹ کے تحت پانچ منزلہ عمارتوں کی انسپکشن کرے گا،پانچ منزلہ سے زیادہ عمارتوں میں آتشزدگی سے بچائوکے انتظامات نہ ہونے پر بلڈنگ کو سیل کردیا جائے گا،ریسکیو ڈبل ون ڈبل ٹو نے ہائی رائز عمارتوں کے مالکان کو رجسٹریشن کی ہدایت کردی۔

ڈی جی ریسکیو ڈاکٹر رضوان کے مطابق عمارتوں کی انتظامیہ کو دو نوٹسز دینے کے بعد تیسرے نوٹس پر سیل کردیا جائے گا۔