مچھ سے ملک کے دیگر حصوں کیلئے ٹرین سروس بحال کرینگے ، بولان میں پلوں کی مرمت میں 3ماہ لگیں گے،سی ای او پاکستان ریلوے

لاہور (مسائل نیوز) سی ای او پاکستان ریلوے فرحت غلزئی نے کہا کہ مچھ سے ملک کے دیگر حصوں کے لئے ٹرین سروس بحال کریں گے جبکہ بولان میں پلوں کی مرمت میں تین ماہ لگیں گے ۔

نجی ٹی وی “ہم نیوز” کے مطابق سی ای او ریلوے نے کہا کہ بولان میں ایرک کے مقام پر ٹوٹ پھوٹ کا شکار تاریخی پل کی تعمیر کا کام جاری ہے ، کوئٹہ سے مسافروں کو مچھ پہنچانے کے لیے پرائیویٹ ٹرانسپورٹ فرا ہم کریں گے۔

خیال رہے کہ بلوچستان اور سندھ کے مختلف علاقوں میں سیلاب کے باعث ریلوے کے پل متاثر ہوئے ہیں جبکہ متعدد مقامات پر پٹری کی حالت بھی نازک ہے ۔