مادری زبانوں کو نصاب کا حصہ بنا یا جائے، شکیلہ نوید دہوار

کوئٹہ (مسائل نیوز) بلوچستان اسمبلی کا اجلاس میں رکن اسمبلی شکیلہ نوید دہوار نے کہا کہ مادری زبانوں کو عالمی دن بھی اسی مقصد کیلئے منایا جاتا ہے تاکہ وہ اپنی زبانوں کو معدوم ہونے سے بچا سکیں۔ انہوں نے کہاکہ صوبے میں جتنی بھی زبانیں بولی جاتی ہیں انکو نصاب کا حصہ بنایا جائے۔ مادری زبانوں کی ترقی یا ترویج کے فروغ کو وقت کی ضرورت قرار دیتے ہوئے کہاکہ مادری زبانوں کی ترویج و فروغ کی آئین ضمانت دیتا ہے انہوں نے کہاکہ مادری زبانوں کو نصاب کا حصہ بنا کر بچوں کو آگے بڑھنے کا رستہ دیا جائے تاکہ وہ ان کا مستقبل تابناک ہو۔ بعد ازاں قرار داد متفقہ طور پر منظور کر لی گئی۔