صوبائی مشیر داخلہ میر ضیاء اللہ لانگو کا یوم پاکستان پر خصوصی پیغام*

کوئٹہ(مسائل نیوز)صوبائی مشیر داخلہ بلوچستان میر ضیا اللہ لانگو نے کہا ہے کہ میر 23 مارچ کا دن ہمیں اس قرارداد کی یا دلاتا ہے جس کی بنیاد پر برِصغیر کے مسلمانوں نے ایک علیحدہ وطن حاصل کیا۔تحریک پاکستان میں حصہ لینے والے مسلمانوں کی قربانیوں کو ہمیشہ یاد رکھا جائے گا۔آج کا دن تجدید عہد کا دن ہے کہ جب بھی ملک پر کڑا وقت آئے تو ہم کبھی اپنے جانیں دینے سے دریغ نہیں کرینگےپاکستان کو عظیم سے عظیم تر بنا کر قائد اعظم اورعلامہ اقبالؒ کا خواب پورا کریں گے۔ملک کی تعمیر و ترقی کے لیے سب کو مل کر کام کرنا ہوگایوم پاکستان پرہم اپنے تمام قانون نافذ کرنے والے اداروں اور افواج پاکستان کے جذبہ کو خراج تحسین پیش کرتے ہیں ۔