وزیر داخلہ کی زیر صدارت اجلاس, اہم ہدایات جاری ،خواتین اور غریب کارکنوں کو گرفتار نہیں کیا جائیگا

اسلام آباد (مسائل نیوز) تحریک انصاف کی جیل بھرو تحریک کے حوالے سے وزیر داخلہ رانا ثناء اللہ نے بھی اہم ہدایات جاری کردی ہیں ۔ وزیر داخلہ کی جانب سے خواتین اور غریب کارکنوں کی گرفتاری سے گریز کی ہدایت جاری کردی گئی ہے، قانون توڑنے والوں کیخلاف شواہد اکٹھے کرکے عوام کے سامنے لانے کا حکم بھی دیدیا۔

تفصیلات کے مطابق اسلام آباد میں وزیر داخلہ کی زیر صدارت ملک میں امن و امان کی صورتحال پر اجلاس ہوا جس میں پی ٹی آئی کی جیل بھرو تحریک کے تناظر میں صورتحال پر بریفنگ دی گئی،اس موقع پروزیر داخلہ کا کہنا تھا کہ جیل بھرو تحریک کے اصل مقاصد ڈرامہ رچانا، امن وامان کی صورتحال متاثر کرنا اور سیاسی عدم استحکام پیدا کرنا ہے۔

اجلاس میں فیصلہ کیا گیا کہ ملک میں امن وامان کی صورتحال کو یقینی بنایا جائے گا، قانون توڑنے والوں کو گرفتار کیا جائے گا،اجلاس میں یہ بھی طے پایا کہ امن دشمنوں کا ریکارڈ رکھا جائے اور اسے ان کے کیریکٹر سرٹیفکیٹ میں واضح کیا جائے گا،تمام صورتحال کے حوالے سے عوام کو آگاہ کیا جائے۔