Get real time updates directly on you device, subscribe now.
پشاور (مسائل نیوز) اے این ایف نے شہد کی مکھیوں سے لدے ٹرک کے خفیہ خانوں سے منشیات برآمد کرلی ، جس کی مالیت تقریباً24 کروڑ 60 لاکھ روپے ہے۔
نجی ٹی وی چینل اے آر وائی نیوز کے مطابق پاک افغان طورخم بارڈر پر انسدادِ منشیات فورس (اے این ایف) نے گزشتہ روز اہم کارروائی کرتے ہوئے ایک ٹرک کے خفیہ خانوں سے بھاری مقدار میں منشیات برآمد کر لی۔
برآمد منشیات میں 17.5 کلو ہیروئن اور 4.5 کلو آئس شامل ہے، جس کی مجموعی مالیت تقریباً 24 کروڑ 60 لاکھ روپے بتائی گئی ہے۔
اے این ایف نے واقعے کے سلسلے میں ننگرہار، افغانستان کے رہائشی ڈرائیور مومند اکرام کو گرفتار کر کے مقدمہ درج کر لیا ہے۔
- Advertisement -
حکام نے بتایا کہ منشیات کو چھپانے کے لیے ٹرک میں شہد کی مکھیاں رکھی گئی تھیں تاکہ تفتیشی عملے کی توجہ دوسری سمت ہو۔
حکام کا کہنا تھا کہ کہ بارڈر ٹرمینلز پر سخت حفاظتی اقدامات جاری رہیں گے اور ان کنٹرولوں کی مخالفت صرف وہی افراد کرتے ہیں جو سہولت کار ہوتے ہیں۔
سینئر افسران نے انتباہ کیا کہ منشیات سمگلنگ منظم جرائم اور دہشت گردی کے مالی نظام کو تقویت دیتی ہے ، ان نیٹ ورکس کے ذریعے حاصل غیرقانونی آمدنی نوجوانوں کو نشہ آور اشیاء کی لت میں دھکیلتی ہے اور اس کی بدولت اسلحہ سمگلنگ اور دیگر جرائم کو مالی معاونت ملتی ہے۔
اے این ایف کا کہنا ہے کہ یہ کارروائی سرحدی محفوظیت اور اندرونِ ملک امن و امان کے لیے اہم کامیابی ہے اور مزید تحقیقات جاری ہیں تاکہ اسمگلنگ کے ممکنہ نیٹ ورک کا پردہ فاش کیا جا سکے۔
