پنجاب میں بلیو ریولیوشن کا آغاز! جانیں کیسے جدید ٹیکنالوجی سے بنجر زمینیں خزانے میں بدلیں جائیں گی
Get real time updates directly on you device, subscribe now.
لاہور(مسائل نیوز)وزیر اعلیٰ پنجاب مریم نواز شریف نے اعلان کیا ہے کہ پنجاب کی بلیو اکانومی میں ایک نئے دور کا آغاز ہو چکا ہے۔ گزشتہ سال کامیابی سے مکمل ہونے والے 100 ایکڑ کے سائنسی بنیادوں پر تیار کردہ پائلٹ اور ریسرچ پروجیکٹ کے بعد اب صوبے نے ٹیکنالوجی پر مبنی جھینگا اور ایکو کلچر ویلیو چین ڈویلپمنٹ کا تاریخی اقدام اٹھایا ہے۔
یہ جامع پروگرام ہیچریز، ایکوا مالز، پروسیسنگ پلانٹس، کولڈ سٹوریج سہولیات اور مربوط ٹرانسپورٹ و لاجسٹکس چین پر مشتمل ہے جس کا مقصد صوبے کی بلیو اکانومی کو عالمی معیار پر لے جانا ہے۔
پہلے مرحلے کی تفصیلات
وزیر اعلیٰ کے مطابق پروگرام کے پہلے مرحلے میں مارچ 2026 تک مظفر گڑھ اور سرگودھا میں 5,300 ایکڑ پر جھینگا اسٹیٹس قائم کیے جائیں گے۔ یہ منصوبہ عالمی تحقیق و ترقی، جدید ایکو کلچر ٹیکنالوجیز اور متحدہ عرب امارات، سعودی عرب، تھائی لینڈ، ایکواڈور، آسٹریلیا اور میکسیکو سے حاصل کردہ مہارت پر مبنی ہے۔
- Advertisement -
پراجیکٹ کا باضابطہ آغاز ہو چکا ہے جبکہ مشینری بھی پہنچ چکی ہے اور وقف شدہ ٹیمیں دن رات کام کر رہی ہیں تاکہ وقت پر تکمیل یقینی بنائی جا سکے۔
مستقبل کے منصوبے
اضافی 26,000 ایکڑ کے لیے فیضیبلٹی سٹڈیز جاری ہیں جو اگلے سال کے آغاز تک مکمل ہوں گی۔ اس سے نجی کسانوں کی شرکت کا راستہ کھلے گا اور ایک بلیو ریولیوشن کا آغاز ہوگا جس کے ذریعے بنجر اور نمکین زمینوں کو مفید بنایا جائے گا، برآمدات میں اضافہ ہوگا اور روزگار کے نئے مواقع پیدا ہوں گے۔
یہ پروگرام پنجاب کی معیشت کو مضبوط کرنے اور جدید ٹیکنالوجی کے ذریعے زرعی اور ایکو کلچر شعبے میں انقلاب لانے کی طرف ایک اہم قدم ہے۔
