عمران خان نے اسمبلیاں توڑنے کی تاریخ کا حتمی اعلان کر دیا

لاہور (مسائل نیوز)تحریک انصاف کے چیئرمین عمران خان کا کہنا ہے کہ وہ 17 دسمبر کو لبرٹی چوک پر تحریک انصاف کے اجتماع کے موقع پر دونوں اسمبلیوں کو تحلیل کرنے کے حوالے سے اعلان کریں گے۔ ان کا کہنا تھا کہ ارکان قومی اسمبلی ایوان میں جا کر دوبارہ استعفے دیں گے جس کے بعد ستر فیصد ملک الیکشن موڈ میں چلا جائے گا۔ ان کا کہنا تھا کہ عقل تو یہ کہتی ہے کہ اگر ستر فیصد ملک میں انتخابات کرانے ہیں تو بہتر ہے کہ عام انتخابات ہی کرا دیے جائیں۔