Get real time updates directly on you device, subscribe now.
کراچی(مسائل نیوز)پاکستانی شوبز انڈسٹری سے وابستہ معروف سینئر اداکارہ بینا چودھری نے انکشاف کیا ہے کہ میرے شوہر عاشق مزاج ہیں، ان کا خواتین کی جانب جھکاؤ ایک تلخ حقیقت ہے۔
حال ہی میں سینئر اداکارہ نے نجی ٹی وی چینل کے پروگرام میں بطور مہمان شرکت کی، جہاں انہوں نے مختلف امور پر اپنے خیالات کا اظہار کیا۔ایک سوال کا جواب دیتے ہوئے انہوں نے انکشاف کیا کہ میرے شوہر عاشق مزاج ہیں، میرے شوہر خواتین کی جانب رغبت رکھتے ہیں اور یہ رغبت صرف مجھ تک محدود نہیں ہے۔
انہوں نے کہا کہ خوبصورت خواتین کی جانب میرے شوہر کا جھکاؤ ایک حقیقت ہے، جس کا مجھے برسوں تک سامنا کرنا پڑا۔
- Advertisement -
پروگرام میں جب انہوں نے اپنے شوہر کی اس عادت کا ذکر کیا تو دیگر شریک مہمانوں نے وضاحت طلب کی کہ کیا آپ کے شوہر دیگر تمام خواتین کے حوالے سے بھی عاشق مزاج ہیں؟ جس پر بینا چودھری نے اثبات میں جواب دیا اور ساتھ ہی یہ بھی کہا کہ وہ (شوہر) میری جانب بھی اسی طرح متوجہ رہتے ہیں۔
بینا چودھری نے مزید کہا کہ میں نے متعدد بار اپنے شوہر کو معاف کیا اور حالات کو سنبھالنے کی کوشش کی، تاہم ان کے مزاج میں خاص تبدیلی نہ آ سکی۔
انہوں نے یہ بھی کہا کہ اگر کسی شخص کی فطرت میں عاشق مزاجی شامل ہو تو اسے مکمل طور پر ختم کرنا ممکن نہیں کیونکہ یہ اس کی فطرت کا حصہ بن چکی ہوتی ہے، میں نے 25 برس تک اپنے شوہر کو بدلنے کی کوشش کی، مگر میں نے اب تمام کوششیں چھوڑ دی ہیں۔
