وفاقی وزیر داخلہ رانا ثناء اللہ کی گرفتاری کیلئے نا قابلِ ضمانت وارنٹ گرفتاری جاری

راولپنڈی (مسائل نیوز) وفاقی وزیر داخلہ رانا ثناء اللہ کی گرفتاری کیلئے نا قابلِ ضمانت وارنٹ گرفتاری جاری۔وارنٹ اسپیشل جوڈیشل مجسٹریٹ کی جانب سے جاری کئے گئے۔اسیشل جوڈیشل مجسٹریٹ غلام اکبر کی جانب سے وفاقی وزیر داخلہ کے وارنٹ جاری کئے گئے۔ جیو نیوز کےمطابق رانا ثناء اللہ کے وارنٹ گرفتاری اینٹی کرپشن انکوائری میں حاضر نہ ہونے پر جاری ہوئے۔
ترجمان اینٹی کرپشن پنجاب کے مطابق رانا ثناء اللہ کے نا قابل ضمانت وارنٹ گرفتاری اسپیشل جوڈیشل مجسٹریٹ نے جاری کئے،رانا ثناء اللہ کے وارنٹ گرفتاری اینٹی کرپشن انکوائری میں حاضر نہ ہونے پر جاری کئے گئے،وفاقی وزیر داخلہ کے وارنٹ مقدمہ نمبر 19/20 میں جاری ہوئے۔ ادھر وزیر داخلہ کی گرفتاری کیلئے ٹیم تشکیل دے دی گئی،ضابطے کے مطابق مقامی پولیس کو اطلاع دے کر رانا ثناء اللہ کی گرفتاری کے عمل کا آغاز کیا جائے گا جبکہ رانا ثناء اللہ کی گرفتاری کیلئے پنجاب پولیس کی ٹیم روانہ ہو گئی ہے۔
وزیر داخلہ پنجاب کا کہنا ہے کہ راولپنڈی پولیس عدالتی احکامات کی تعمیل کرے گی،اگر رانا ثناء اللہ کی گرفتاری نہیں ہوتی تو عدالت کو آگاہ کریں گے اور مزید ایکشن عدالتی حکم پر لیا جائے گا۔ واضح رہے کہ گزشتہ دنوں وزیر اعلٰی پنجاب چوہدری پرویز الٰہی نے کہا کہ رانا ثنااللہ کےخلاف ایسا معاملہ پکڑا ہے کہ انہیں عمر قید ہوگی، موجودہ وفاقی حکومت میں شامل لوگوں کا تجربہ صرف جھوٹے مقدمے بنانے کا ہے ، وزیر اعلیٰ پنجاب چوہدری پرویز الہٰی نے وفاقی حکومت پر کڑی تنقید کرتے ہوئے کہا ہے کہ رانا ثنااللہ کے خلاف ایسا کام پکڑا ہے کہ انہیں عمر قید ہوگی۔
وزیر اعلیٰ پنجاب چوہدری پرویز الہٰی نے کہا کہ ہم نے مسلم لیگ (ن) کی طرح انتقامی سیاست کبھی نہیں کی، ہمیشہ عوامی خدمت کے جذبے کے تحت مثبت سیاسی روایات قائم کی ہیں،عمران خان پاکستان کے مقبول ترین رہنما ہیں، ان کا ساتھ دیا دے رہے ہیں اور دیتے رہیں گے۔