فاشسٹ لیڈروں کی حلف برداری دیکھیں تو بالکل وہی حالات عمران خان کے ہیں: شاہد خاقان عباسی

اسلام آباد(مسائل نیوز)فاشسٹ لیڈروں کی حلف برداری دیکھیں تو بالکل وہی حالات عمران خان کے ہیں سابق وزیر اعظم اور پاکستان مسلم لیگ ن کے رہنما شاہد خاقان عباسی نے کہا ہے کہ زیراعظم کا حق ہے کہ وہ کسی بھی وقت نئے آرمی چیف کی تعیناتی کر دیں، آرمی چیف نے کہہ دیا ہے کہ ایکسٹینشن نہیں ہوگی یہ خوش آئند بات ہے۔ نجی ٹی وی کے پروگرام میں بات چیت کرتے ہوئے شاہد خاقان عباسی نے کہا کہ عمران کے مارچ میں اگر خدانخواستہ لاشیں گر گئیں تو ذمے داری عمران خان کی ہو گی۔
خیال رہے کہ پاکستان تحریک انصاف (پی ٹی آئی) کے چیئرمین عمران خان نے پارٹی ارکان سے حلف لے لیا۔ لاہور میں عمران خان کی زیر صدارت پارٹی کا ڈویژنل اجلاس ہوا، جس سے خطاب کرتے ہوئے پی ٹی آئی چیئرمین نے کہا کہ حقیقی آزادی کی تحریک اہم ہے، جب وہ کال دیں تو کارکن باہر نکلیں۔
دوسری جانب عمران خان سے پنجاب کے وزیر پارلیمانی امور راجا بشارت نے لاہور میں ملاقات کی۔

راجا بشارت نےعمران خان کو صوبے کے پارلیمانی امور کے بارے میں بریف کیا۔ اس موقع پر پنجاب کے سیاسی اور انتظامی امور پر بات چیت کی گئی۔ عمران خان نے راجا بشارت سے کہا کہ سب کو مل کر ملک کو کرپٹ مافیا سے بچانا ہے۔