عالمی ادارہ صحت کے ہیلتھ ایمرجنسی پروگرام کے ایگزیکٹو ڈائریکٹر ڈاکٹر مائیک ریان نے بلوچستان کے نصیر آباد ڈویژن میں سیلاب سے متاثرہ اضلاع کا دورہ

نصیرآباد(مسائل نیوز)نصیر آباد ورلڈ ہیلتھ آرگنائزیشن کے ہیلتھ ایمرجنسی پروگرام کے ایگزیکٹو ڈائریکٹر ڈاکٹر مائیک ریان، کنٹری آفس نمائندہ برائے پاکستان ڈاکٹر پالیتھا مہیپالا، اور ڈبلیو ایچ او کی ٹیم نے بلوچستان کے نصیر آباد ڈویژن میں سیلاب سے متاثرہ اضلاع کا دورہ کیا۔

ڈاکٹر ریان کو سیکرٹری صحت حافظ طاہر اور کمشنر نصیر آباد ڈویژن بشیر بنگلزئی نے ڈویژن کے مختلف اضلاع میں سیلابی صورتحال اور سیلاب سے پھیلنے والی بیماریوں کے بارے میں بریفنگ دی۔

انہوں نے سیلاب متاثرین کے لیے ایمبولینسز,اور زچہ بچہ میں ماہوں کو سہولیات فراہم کرنے کے لیے طبی آلات اور دیگر طبی سامان بطور عطیہ کمشنر نصیر آباد ڈویژن کے حوالے کیا۔

جبکہ چیف سیکرٹری بلوچستان عبدالعزیز عقیلی نے ویڈیو لنک کے ذریعے ڈاکٹر ریان اور ان کی ٹیم کو بلوچستان آنے پر خوش آمدید کہا۔ چیف سیکرٹری نے ضرورت کے وقت محکمہ صحت کی مدد کرتے ہوئے خطے میں ڈبلیو ایچ او کے کردار کو تسلیم کیا۔

ڈبلیو ایچ او کی جانب سے مزید مدد کا عزم کرتے ہوئے، ڈاکٹر ریان نے روشنی ڈالی کہ “ہمیں دنیا کو بتانا ہے کہ بے گھر افراد، لاکھوں لوگ بحران کا شکار ہیں۔ اس موسمیاتی آفت سے متعلق حقیقی ضروریات ہیں۔”

“ہم وسائل، پیسہ، لوگوں، سامان کی تلاش کے لیے ہر ممکن کوشش کرنے کے لیے پرعزم ہیں۔ ایک بھرپور آپریشن ہونا چاہیے۔ ہمارے پاس ضائع کرنے کا کوئی موقع نہیں ہے، اگر ہم ضائع کرتے ہیں تو لوگ مر جاتے ہیں۔ صحیح توجہ نہ دی جائے تو لوگ مر جائیں گے۔ اس لیے ہمیں ایک وقت میں بہت سے کام کرنے پڑتے ہیں،” ڈاکٹر ریان نے مزید کہا۔

نصیر آباد ڈویژن بلوچستان کے مشہور آبپاشی اور زرعی ڈویژن میں سے ایک ہے۔ یہ صوبہ بلوچستان کو سندھ سے ملاتا ہے۔ یہ پاکستان بھر میں حالیہ شدید بارشوں اور سیلاب سے سب سے زیادہ متاثرہ علاقہ ہے۔ بہت سے لوگ جان سے ہاتھ دھو بیٹھے ہیں، اور ہزاروں لوگ اپنے گھر، مویشی اور زراعت سے محروم ہو گئے ہیں۔ مکانات کی تباہی کے باعث لوگوں نے سڑکوں پر پناہ لے رکھی ہے۔

شدید بارشوں کے باعث سیلابی ریلوں کی وجہ سے نہ صرف زراعت اور مکانات تباہ ہوئے بلکہ علاقے میں طرح طرح کی بیماریاں بھی پھیلنے لگیں جن میں ملیریا، ٹائیفائیڈ، ہیضہ اور دیگر پینے کا پانی اور غیر صحت بخش خوراک کی وجہ سے بیماریاں پھیلنے لگی ہیں