وزیر داخلہ رانا ثنااللہ اور وزیراعلیٰ بلوچستان کی بارکھان میں دھماکے کی مذمت

اسلام آباد(مسائل نیوز)وفاقی وزیر داخلہ رانا ثنااللہ نے بلوچستان کے علاقے بارکھان میں دھماکے کی مذمت کی ہے۔

نجی ٹی وی چینل ہم نیوز کے مطابق وزیرداخلہ نے دھماکے میں قیمتی جانوں کے ضیاع پر گہرے دکھ اورغم کااظہارکیا ہے اورواقعہ کی رپورٹ طلب کرلی ہے۔

رانا ثناا للہ نے کہاہے کہ دہشت گرد بلوچستان میں امن اور ترقی کے دشمن ہیں،دہشتگرداپنے مذموم مقاصد میں کبھی کامیاب نہیں ہونگے۔

ادھر وزیراعلیٰ بلوچستان نے بارکھان میں دھماکے کی متعلقہ حکام سے رپورٹ طلب کرلی ، وزیراعلیٰ بلوچستان کاکہناتھا کہ بے گناہ، معصوم لوگوں کا خون بہانے والے انسانیت کے دشمن ہیں،دہشتگرد اپنے مذموم مقاصد کے حصول کیلئے بدامنی پیدا کررہے ہیں، وزیراعلیٰ بلوچستان نے کہاکہ ملک دشمن عناصر کے عزائم کو کامیاب نہیں ہونے دیا جائے گا، دہشتگردی کیخلاف مزید موثر حکمت عملی اپنائی جائیگی ، دہشتگردی کے حالیہ واقعات کے بعد سکیورٹی پلان کاازسر نوجائزہ لیا جائے ،وزیراعلیٰ نے ہدایت کی کہ زخمیوں کو علاج کی بہترین طبی سہولتیں فراہم کی جائیں۔

جبکہ صوبائی وزیر داخلہ ضیا لانگو نے بارکھان دھماکے کی مذمت اور جانی نقصان پر اظہار افسوس کرتے ہوئے کہاکہ کسی کو بلوچستان کا امن تباہ کرنے کی اجازت نہیں دیں گے، اتحادواتفاق سے دشمن کی ہر سازش ناکام بنائیں گے۔