Get real time updates directly on you device, subscribe now.
اسلام آباد (ٰویب ڈیسک) وزیراطلاعات ونشریات فواد چوہدری نے کہاہے کہ وزیراعظم عمران خان قائداعظم کے نقش قدم پر چلتے ہوئے ملک کو اسلامی فلاحی ریاست بنانے کےلئے کوشاں ہیں،عمران خان ایسا پاکستان بنانے کیلئے کوشاں ہیں جو ماڈرن اور ترقی پسند ملک ہو اور اسلامی دنیا کو لیڈ کرے، ہمارے تمام تر اقدامات قائداعظم کی سوچ کے عکاس ہیں۔وفاقی وزیر اطلاعات چوہدری فواد حسین نے قائداعظم محمد علی جناح ؒکی سالگرہ اور کرسمس کے حوالے سے کیک کاٹنے کی تقریب سے خطاب کرتے ہوئے کہاکہ قائداعظم محمد علی جناح پاکستان کو اسلامی فلاحی ریاست بنانے کے خواہاں تھے۔ انہوںنے کہاکہ وزیراعظم عمران خان بابائے قوم قائداعظم محمد علی جناح کے نقش قدم پر چلتے ہوئے
- Advertisement -
ملک کو اسلامی فلاحی ریاست بنانے کے لئے کوشاں ہیں۔ وفاقی وزیر نے کہاکہ قائداعظم محمد علی جناح نے پاکستان میں اقلیتوں کے حقوق کے تحفظ کا وژن دیا، پاکستان اقلیتوں کے حقوق کے تحفظ کے نام پر بنا۔ وزیر اطلاعات نے کہاکہ ہم نیا پاکستان کی بات کرتے ہیں یہ وہی خواب ہے جو علامہ محمد اقبال نے دیکھا اور قائداعظم محمد علی جناح نے پایہ تکمیل کو پہنچایا۔ وفاق وزیر نے کہا کہ وزیراعظم عمران خان قائداعظم کے مشن کی نگہبانی کر رہے ہیں۔
انہوںنے کہاکہ عمران خان ایسا پاکستان بنانے کیلئے کوشاں ہیں جو ماڈرن اور ترقی پسند ملک ہو اور اسلامی دنیا کو لیڈ کرے۔ انہوںنے کہاکہ ہمارے تمام تر اقدامات قائداعظم کی سوچ کے عکاس ہیں، یہی وہ پاکستان ہے جس کے لئے پاکستان تحریک انصاف جدوجہد کر رہی ہے۔ چوہدری فواد حسین نے کہا کہ پوری قوم کو قائداعظم محمد علی جناح کے یوم پیدائش اور مسیحی برادری کو کرسمس کی مبارکباد پیش کرتے ہیں۔قبل ازیں وفاقی وزیر اطلاعات چوہدری فواد حسین نے قائداعظم محمد علی جناح کی سالگرہ اور کرسمس کا کیک کاٹا ،اس موقع پر ڈپٹی سپیکر قومی اسمبلی قاسم خان سوری اور پی ٹی آئی کے رہنما عامر کیانی بھی موجود تھے۔
