شناختی کارڈ میں کوئی مسئلہ ہے؟ نادرا آفس جانے کی ضرورت نہیں مسئلہ گھر بیٹھے حل ہو جائے گا

اسلام آباد(مسائل نیوز)نیشنل ڈیٹا بیس اینڈ رجسٹریشن اتھارٹی (نادرا) نے پاکستانی شہریوں کے لیے ایک اہم سہولت متعارف کروائی ہے جس کے تحت اب شہری اپنے شناختی ریکارڈ میں تبدیلی آن لائن کرسکتے ہیں اور نادرا کے کسی دفتر جانے کی ضرورت نہیں رہی۔

نادرا پاکستان میں شناختی کارڈ (CNIC) نادرا کا نائیکوپ (NICOP) اور دیگر شناختی دستاویزات جاری کرنے والا واحد مجاز ادارہ ہے۔ اب اس ادارے نے اپنے صارفین کے لیے پاک آئی ڈی موبائل ایپ کے ذریعے یہ سہولت فراہم کی ہے کہ وہ گھر بیٹھے اپنے ریکارڈ میں ترامیم یا اپ ڈیٹس کر سکیں۔

آن لائن ریکارڈ اپ ڈیٹ کرنے کا طریقہ

پاک آئی ڈی (PAK ID) ایپ انسٹال کریں

سب سے پہلے اپنے اسمارٹ فون پر پاک آئی ڈی موبائل ایپ انسٹال کریں جو نادرا کی آفیشل ایپ ہے۔

لاگ ان اور شناختی تفصیلات درج کریں

ایپ میں لاگ ان کریں اور اپنا شناختی نمبر (CNIC/NICOP) اور بایومیٹرک معلومات درج کریں۔

مطلوبہ معلومات منتخب کریں اور دستاویزات اپ لوڈ کریں

جس معلومات میں آپ ترمیم یا اپ ڈیٹ کرنا چاہتے ہیں اسے منتخب کریں اور ضروری دستاویزات (جیسے پیدائش سرٹیفیکیٹ، نکاح نامہ وغیرہ) اپ لوڈ کریں۔

درخواست جمع کروائیں

درخواست جمع کروانے کے بعد نادرا کا سسٹم ڈیجیٹل طور پر تبدیلی کرے گا، جس سے آپ کا ریکارڈ تیز، محفوظ اور آسان طریقے سے اپ ڈیٹ ہو جائے گا۔

کس قسم کی تبدیلیاں کی جا سکتی ہیں؟

Pak ID ایپ کے ذریعے درج ذیل تبدیلیاں ممکن ہیں:

نام یا پتہ کی اصلاح

ڈومیسائل یا پیدائش کے مقام میں تبدیلی

خاندانی معلومات یا سرپرست کے نام کی تصحیح

ازدواجی حیثیت، خاندانی شمولیت یا دیگر غیر پرنٹنگ تبدیلیاں

سہولت کے فوائد

نادرا کے دفاتر میں طویل قطاروں اور انتظار سے بچا جا سکتا ہے۔

مکمل عمل گھر بیٹھے چند منٹوں میں مکمل ہو جاتا ہے۔

ضرورت پڑنے پر دستاویزات کی آن لائن نگرانی بھی ممکن ہے۔

نادرا کی یہ نئی سہولت شہریوں کیلئے شناختی معلومات تک آسان، تیز اور محفوظ رسائی فراہم کرتی ہے۔ اب معمولی تبدیلیاں بھی دفتر آئے بغیر گھر بیٹھے مکمل کی جا سکتی ہیں جس سے وقت اور محنت دونوں کی بچت ہوتی ہے۔